نفس ما اغيرش عليك منهم
نفسي ما اغيرش عليك
ولا اعملش حساب لوجودهم
ولا اراقبش عينيك
ولا يأثر فيّا كلامهم
ولا اضعفش فى يوم قدامهم
نفسى ما أغيرش عليك منهم
لكن لما باشوف فى عيونهم
نظرة حب و إعجاب بيك
أو لو طال مره سلامهم
وعجب إيدهم حضن إيديك
ماباقدرش أدارى واخبي
وتبان حيرتى و غيرتى عليك
نفسى ما أغيرش عليك منهم
نفسي أحب الحب العادى
نفسي أخبي فى قلبي وأدارى
لكن إيه دا اللى بيجرى لى
لما القاك بتكلم جارى
بألقي الغيره بتئيد نارى
وابقي فى حيره وما أنتش دارى
نفسى ما أغيرش عليك منهم
وازعل منك وابعد عنك
واهجر قلبك وانا مشتاق لك
ولما تيجيلى عشان ترضينى
يرقص قلبي وتفرح عينى
وابكى فى حضنك من نار بعدك
واشكى لقلبك لوعة حبك
واهمس اقولك أنا محقــــوق لك
وده مش منــــى لأ من حبـــك
نفسى ما أغيرش عليك منهم
موضوع: قصيده نفسى مغرش للشاعر السكندرى عثمان بحور 
الأربعاء سبتمبر 16, 2009 2:21 am
